Xorazmda Latviyalik ish beruvchilar bilan yuk mashinasi haydovchilari uchun imtihonlar bo‘lib o‘tadi

Joriy yilning 31-iyul va 1-avgust kunlari Xorazm viloyatida Yevropada ishlash istagida bo‘lgan yuk mashinasi (trak) haydovchilari uchun mas’uliyatli va muhim sinov jarayonlari bo‘lib o‘tadi.

Imtihonlar Latviyadan tashrif buyuradigan xorijiy ish beruvchilar hamda mutaxassislar ishtirokida bevosita o‘tkaziladi. Tanlovda o‘z kasbiy mahorati va amaliy ko‘nikmalarini namoyish etib, muvaffaqiyatli o‘tgan nomzodlar Yevroittifoq hududida qonuniy va kafolatlangan ish o‘rniga ega bo‘lishadi.

Nomzodlar uchun yaratilgan qulayliklar:

• Imtihon xarajatlari qoplanadi: “Getwork” XBA o‘z an’anasiga muvofiq, imtihondan muvaffaqiyatli o‘tgan haydovchilarning barcha imtihon to‘lovlarini o‘z hisobidan to‘lab beradi.
• Qonuniy va rasmiy ish: Latviyaning yetakchi transport va logistika korxonalarida rasmiy shartnoma asosida faoliyat yuritish imkoniyati yaratiladi.